Жатыр мойны обырының скринингі белгілі бір жас аралығындағы барлық әйелдерде жатыр мойнынан алынған цитологиялық жағындыларды үнемі зерттеуден тұрады. Цитологиялық жағындылар арнайы түрде боялады және ісік алды және ісік өзгерістерін анықтау үшін зерттеледі.

Ісік алды немесе ісік ауруына күдік болған жағдайда күдікті учаскелердің нысаналы биопсиясымен кольпоскопия (кольпоскопты – арнайы үлкейткіш оптикалық аспапты пайдаланып жатыр мойнын тексеру) орындалады. Ісік немесе ісік алдындағы өзгерістер анықталған кезде емдеу жүргізіледі.

Бұл әдіс жатыр мойны обырын бастапқы кезеңдерде анықтап қана қоймай, оның дамуына жол бермейді, өйткені бұл жатыр мойны эпителийінің ісікке дейінгі өзгерістерін диагностикалауға мүмкіндік береді, оны емдеу ісіктің дамуына мүмкіндік бермейді. 

Жатыр мойны обырының скринингі жыныстық өмір сүрмеген қыздарда, әйелдерде жатыр мойнымен бірге жатырды толығымен алып тастағаннан кейін және егде жастағы әйелдерде бірнеше рет қалыпты цитологиялық зерттеу нәтижелерінен кейін жасалмайды.

Барлық басқа әйелдерде жатыр мойны обырына скрининг жүргізу инвазивті жатыр мойны обырының дамуын уақтылы болдырмауға мүмкіндік беретін маңызды алдын алу шарасы болып табылады.