Шарбақты ауылынан 15 шақырым жерде тас жолда болған апатта бір адам қаза тауып, тағы бесеуі түрлі жарақат алды.

103 қызметіне  жолға кюветке ұшқан көлік туралы хабарлама 2 қазанда сағат 17:53-те келіп түсті. Оқиға орнына екі жедел жәрдем көлігі жіберілді. Жету уақыты  10 минутты құрады. Өкінішке орай, жол - көлік оқиғасына қатысушылардың бірі құтқарыла алмады-ер адам дәрігерлер келгенге дейін өміріне сәйкес келмейтін жарақат алып қайтыс болды. Әр түрлі жарақаттары бар тағы бес адам Аққулы орталық аудандық ауруханасын жеткізілді. Зардап шеккендердің арасында 49 және 53 жастағы екі әйел, 40 жастағы ер адам, 19 жастағы жігіт және бір жасар қыз бар.

- Аурухана қызметкерлерінен өтінімді күтпей, біз екі медициналық авиация бригадасын құрдық және оларды аудан орталығына жібердік, - деді облыстық жедел жәрдем станциясы бас дәрігерінің орынбасары Ирина Мищенко. - Политравма бригадасы мен педиатриялық бригада зардап шеккендерге мамандандырылған көмек көрсетіп, оларды Павлодар стационарларына емдеуге жеткізеді.