Павлодарлық еріктілер медицина қызметкерлеріне жеке қорғаныс құралдарын табыстады.

Арнайы экран сыртқы әсерлерден қорғаныс жасай отырып, адамның бетін толығымен жабады. Мұндай маска басына мықтап бекітілген, қозғалыстарды шектемейді және толық көрінуді қамтамасыз етеді. ИдеяFix, жарнама агенттігі, Wood Market шығармашылық шеберханасы, «Легион 14» іздестіру және гуманитарлық отряды бірлесіп, облыстық жедел жәрдем станциясының қызметкерлеріне 70 қорғаныс экранын ұсынды. Жеке қорғаныс құралдары пневмония, жедел респираторлы вирустық инфекциялар және басқа да ұқсас аурулар белгілері бар науқастарға баратын медицина қызметкерлеріне арналған.

Сонымен қатар, 103 орталық станцияда  сервис дезинфекциялық туннельді орнатты, ол арқылы дәрігерлер шақырудан келген соң өтеді. Дәл осындай жабдықтар Павлодар, Екібастұз және Ақсу қалаларындағы жедел жәрдем станцияларында орнатылды.

Бүгін жедел жәрдемде  COVID-19 ауруы бар науқастардың бірімен байланыста болған 15 медицина қызметкерінің оралуын күтуде. Станция қызметкерлері туберкулезге қарсы диспансер базасында 14 күндік карантиннен өтті. Коронавирустық инфекцияны 103-қызметінің  әр қызметкерінде жүргізілген тесттер теріс нәтиже көрсетті.

Жедел жәрдем станциясының баспа сөз қызметі