Жыл басынан бері Павлодар облысының медициналық авиациясы 150-ге жуық өтінімді пысықтады.

Өңірлік жедел жәрдем станциясы бөлімшесінің медицина қызметкерлері 85 жолға және 60 ұшуға қызмет көрсетті. Өткен жылдың қорытындысы бойынша медициналық авиация қызметкерлері жер үсті көлігінде - 240 және әуе көлігінде-120 өтінімді пысықтады.

2016 жылдан бастап облыстық жедел жәрдем станциясының құрамына енгізілген медициналық авиация бірінші кезекте шалғай елді мекендерге қызмет көрсетеді және ауыр науқастарды тасымалдауды орындайды. Көбінесе медициналық қызметкерлер жүктіліктің ауыр ағымы бар әйелдерге немесе қиын босануға ұшыраған босанған әйелдерге, жаңа туған нәрестелерге және жедел инсульт немесе инфаркт бар адамдарға көмекке барады.

- Біздің қызмет штатына 130 қызметкер кіреді – бұл дәрігер-реаниматологтар, медбике-анестезистер, балалар реаниматологтары, неонатологтар, кардиологтар, нефрологтар және басқа да тар мамандар, - дейді медициналық авиация меңгерушісі Алмагүл Бесембинова. - 2017 жылдан бастап бізде ЖКО , биіктіктен құлау және т.б. байланысты шақыруларға қызмет көрсететін политравма мобильді бригадасы жұмыс істейді. Төртінші жыл акушерлік мобильді бригада жұмыс істеп келеді.

Медициналық авиацияның техникалық паркі үш реанимобильден, АН-2 ұшағынан және МИ-8 тікұшағынан тұрады. Жердегі көліктегі қашықтыққа қарамастан, қызмет өкілдері пациентке екі сағат ішінде, ал әуе кемесінде - бір сағат ішінде жетуі тиіс.

- Біздің қызметіміз жаңа туған нәрестелерге арналған инкубациялық көлік кувезімен, ересектер мен жаңа туған пациенттердің өмірлік көрсеткіштерін бақылауға арналған мониторлармен, бейнекамерасы бар бейноларингоскоппен жабдықталған, - деп жалғастырды Алмагүл Бесембинова. - Сондай-ақ, бізде сол жерде тексеруге арналған УДЗ аппараты, ми құрылымындағы патологиялық процестерді анықтауға арналған эхоэнцефалограф және қандағы газдар мен электролиттердің құрамын анықтайтын аппарат бар.

Қызметкерлерді даярлау және медавиацияны заманауи жарақтандырудың арқасында соңғы жылдары Павлодар облысында тәуліктік өлім-жітім қысқарды. Сонымен қатар, келу уақытының азаюына байланысты медициналық топтың қатысуымен өлім-жітім айтарлықтай төмендеді.

Облыстық жедел жәрдем станциясының баспасөз қызметі