Егер сіз жедел жәрдемге қоңырау шала  алмасаңыз,  не істеу керек

Облыстық жедел жәрдем станциясында, егер сіз 103 желісіне қоңырау шала  алмасаңыз, не істеу керектігін айтты.

Соңғы уақытта Павлодар жедел жәрдемінде шақырулар санының өскені байқалады. Жыл басынан бері ол шамамен 30% - ды құрады.  Өткен тәулікте ғана қызметке 3,5 мыңға жуық қоңырау келіп түсті. Медицина қызметкерлерінің айтуынша, 70% жағдайда адамдар олардан кеңес сұрайды, бірақ мұндай өтініштерді өңдеуге көп уақыт кетеді. Облыстық жедел жәрдем станциясында өңір тұрғындарынан 103 желісіндегі шамадан тыс жүктемелерге түсіністікпен қарауды сұрайды және бұл жағдайда қосымша телефон нөмірлеріне қоңырау шалу ұсынылады: +7 (7182) 320024, 651814, 323778, 625507, 625544 және 625522. Олар бойынша шақыртуларды диспетчерлермен қатар ауысымның аға дәрігері қабылдайды.

Сонымен қатар, медицина қызметкерлерінің көмегіне Telegram-бот арқылы жүгінуге болады. Павлодарлық 103 қызметіндегі мессенджер арқылы бүгінгі таңда алты шақырту қабылданды. Олардың барлығы жоғары температураға шағымданған пациенттерден келді.

Telegram-ды пайдалану үшін сізге жазылу керек http://t.me/pvl_103_bot.  «Жедел жәрдем шақыру» батырмасын басу арқылы пайдаланушы нұсқаулыққа сәйкес жарақаттануды немесе әлсіздікті сипаттауы, сондай-ақ науқастың орналасқан жерін барынша дәл көрсетуі тиіс. Мессенджер арқылы берілген өтінім өңірлік жедел жәрдем станциясының бірыңғай колл-орталығында өңделеді. Алдымен диспетчер қоңыраудың шұғылдығын анықтауы керек. Шұғылдықтың төрт санатының әрқайсысының өзіндік уақыты бар. Мысалы, адамның өміріне нақты қауіп төнген кезде бірінші санат бойынша шақыру 15 минут ішінде пысықталуы тиіс. Жеделдіктің төртінші санаты бойынша шақырулар емханаларға беріледі және оларға мобильді бригадалар қызмет көрсетеді.

Өтінім қабылданды ма, оны өзіңіз тексере аласыз. Ол үшін «Жүгіну мәртебесін тексеру» батырмасын басу қажет. «Жиі қойылатын сұрақтар» бөлімінде сіз коронавирустық инфекцияның алдын-алу, белгілері және емдеуімен байланысты ақпаратты таба аласыз.

Облыстық жедел жәрдем станциясының баспасөз қызметі