Облыстық жедел жәрдем станциясы базасында екі оқыту семинары өтті. Оларға тек аймақтық станция қызметкерлері ғана емес, сонымен қатар Павлодар, Екібастұз, Ақсу қосалқы станцияларының және ауылдық аудандардың медицина қызметкерлері де қатысты. Мастер-классқа  500-ге жуық тыңдаушыны жинады.

Бірінші семинар балалардың бактериялық-ішек инфекцияларына арналды. Облыстық балалар ауруханасының инфекционисті Дария Каукенова бұл ауруларды ауруханаға дейінгі деңгейде қалай анықтауға және емдеуге болатынын айтып берді.

103 қызметінің екінші мастер-класын медицина ғылымдарының докторы, ҚазҰМУ қосымша және кәсіптік білім беру институтының терапевтік пәндер кафедрасының меңгерушісі Асфендиярова Гүлнар Беделбаева өткізді. Профессор тыңдаушыларға көтерілетін және көтерілмейтін жіті коронарлық синдромдардың қыр-сырын түсіндірді. Бұл ақпарат дәрігерлерге де, фельдшерлерге де пайдалы болды.

Павлодар облыстық жедел жәрдем станциясы базасында оқыту және қайта оқыту тұрақты түрде жүргізіледі. 103 қызметкерлерінің шеберлігін арттыру үшін  медицина ғылымдарының тәжірибелі дәрігерлері мен профессорларынан тренерлерді шақырады.

Облыстық жедел жәрдем станциясының баспасөз қызметі